Digicast Negros

Mayor sang Dumaguete City kag 4 ka mga konsehal naka isolate sa gihapon

Wala sa karon sang alkalde kag bise alkalde sa city hall sang siudad sang Dumaguete matapos nga mag taliwan sang Domingo si Vice Mayor Allan Gel Cordova kag karon padayon man nga naka isolate si Mayor Felipe Remollo nga nag positibo sa COVID-19.

May mga report pa nga naga siling yara sa malubha nga sitwasyon sa ospital ang alkalde pero gin himutig ini ni Dumaguete City PIO Dems Demecillo.

Suno kay Demecillo, yara sa isolation si Remollo bangud iya lang gina tapos ang quarantine period pero siya ang padayon man nga naga communicate sa mga department heads sa city hall samtang yara sa isolation.

Normal lang sa gihapon ang operation sa city hall suno kay Demecillo bangud sa naga contact man ang alkalde ugaling physically wala lang ini.

May apat man ka konsehal sa siudad nga naka isolate bangud sa nag positibo sa COVID-19.

Padayon ang surge sang cases sang COVID-19 sa karon sa Negros Oriental. Kahapon, 313 ka bag-o nga kaso sang COVID-19 ang nadugang sa probinsya. Nag saka na sa 4,391 ang total cases sa Negros Oriental kag nagdangat naman sa 1,228 ang active cases.

Samtang, 171 naman ka kaso sang COVID-19 ang nadugang kahapon sa Negros Occidental. 1,452 sa karon ang total cases sa porbinsya.

Ang Bacolod City ang may yara namn sang 1,235 ka active cases. 90 ang bag-o nga kaso nga nadugang sa siudad kahapon.

Exit mobile version
Skip to toolbar