May interes man siya sa vice gubernatorial post, pero luyag ni Mayor Salvador Escalante nga magpabilin sa pag pangalagad sa Cadiz City.
Sa interview sang media kay Escalante iya ginsiling nga luyag niya mag pa re-elect sa Cadiz City kag matapos ang iya nga term tubtob sa 2028. Madamo siya sang nasugdan sa siudad kag gusto niya nga mahuman ini.
“Yes for 2025, i’ll run for re-election sa Cadiz, as mayor,” suno kay Escalante.
Ginkumpirma niya nga natanyag gid man sa iya ang vice gubernatorial post bilang kabahin sa mga posibilidad sa 2025. Pero para sa iya indi pa naga kaigo ang tion.
Damlag pa, ginsiling ni Vice Governor Jeffrey Ferrer nga upod ni Escalante sa United Negros Alliance nga bukas siya sa ano man nga plano sa 2025.
Magatapos na sang iya nga term bilang 4th District Representative ang asawa ni Ferrer nga si Congresswoman Juliet Ferrer.
Ginsiling ni Ferrer sadto nga wala pa sang pat-od nga plano para sa 2025. Suno kay Escalante, mahimo nga pagkatapos sang Barangay Elections ukon early 2024 may ipagwa na sila nga ngalan.
“Damo na kami gina consider na mga names. But these are just consideration nga gina pamatian namon. Gina weigh naton. Most probably we’ll come up with the name, after Barangay Elections or early 2024”, suno kay Escalante.
Wala man sang palaabuton nga maga kontra kay Governor Eugenio Jose Lacson, kun may yara man suno kay Escalante, indi ini maga gikan sa UNegA.