Digicast Negros

Mayor Palanca sang Victorias City nagpositibo sa COVID-19

Victorias Malihaw photo

Ginkumpirma ni Mayor Francis Frederick Palanca sa Digicast Negros nga siya ang nagpositibo sa COVID-19. Apat siya ka adlaw nga na-confine sa ospital kag subong nga adlaw Domingo, Nobyembre 8, suno kay Palanca siya ang natalana nga i-discharge.

Ginhatagan na siya sang clearance sang duktor kag nakasaad diri nga indi na siya kinahanglan pa nga mag quarantine, pero suno sa alkalde siya ang maga direkta padulong sa quarantine facility mismo sang Victorias.

“Surprisingly, because I believe in miracles. I am only in my fourth day in the hospital. I was here Wednesday, Thursday, Friday, Saturday. This morning (Sunday), at about 3, 4 o’clock, ang nurse nagkadto, mayor you’re going out today. Subong lang nagbasa ko clearance, waay na ko kinahanglan quarantine”, suno kay Palanca.

Ginsiling sang alkalde nga na-ospital siya bangud nakitaan siya sang sintomas. Sang nagligad nga semana nagpadulong siya sa Bacolod para sa LTOP ukon sa pag pa renew sang lisensya sa armas. May tatlo sila ka lugar nga ginkadtuan sang iya nga mga kaupod sakay sa van. Indi niya naman ma pat-od kun diin niya nakuha ang virus. Posible sa lugar nga ila nabisitahan ukon sa isa man ka kaupod sa van suno kay Palanca.

Ilakip sa alkalde, lima sila tanan ang napositibo sa COVID-19. Pagbalik nila nagbatyag siya sang sore throat.
“When we got back that was Thursday, Friday, Saturday, na sore throat ko diutay. Pero indi mo ma notice nga symptoms. Pag ka Sunday, didto ko kabatyag. Ang iban ko nga upod, Monday”, suno kay Palanca.

Nagpadulong pa siya sa Iloilo suno kay Palanca kag lain naman ang iya nga mga kaupod, pero wala ang natungdan nga grupo nalatnan. Martes sang nag pa swab si Palanca sa Teresita Lopez Jalandoni Provincial Hospital kag Miyerkules nakuha niya ang resulta kag gilayon nga nag pa ospital. Antes pa man siya na ospital nag paidalom na sa medication ang alkalde.

Exit mobile version
Skip to toolbar