Digicast Negros

Mayor Gustilo: Pagsaka sang COVID-19 positive sa San Carlos City resulta sang mass testing

Kahapon, Nobyembre 5, nag abot sa San Carlos City ang grupo sang mga duktor nga gina pamunuan nanday Dr. Chris Sorongon kag Hector Gayares, ilakip na si Liga ng Barangay President Lady Gles Gonzales.

Suno kay Mayor Renato Gustilo, sila ang ginpadala sang grupo ni Mel Feliciano, ang chief implementer sang IATF Visayas, nga damlag pa nagbisita man sa San Carlos.

Suno kay Gustilo ang mga duktor kag si Pallen ang maga bulig sa sistema sang ila nga Emergency Operations Center.

“There are gray areas sa EOC namon that needs to be corrected,” suno kay Gustilo.

Dugang pa ni Gustilo nag siling man si Feliciano nga magahinyo sila sang contact tracer gikan sa PNP, DILG kag Army.

Ang nag-abot pa lang ang gikan sa DILG. Kinahanglan pa ipaidalom sa quarantine ang mga contact tracers sang militar antes sila ma-deploy naman sa San Carlos suno kay Gustilo.

Paathag ni Gustilo, ang lokal nga panguluhan ang nag pabaskog na sang ila nga kaugalingon nga contact tracing ugaling sa pagtaas sang kaso indi na malagas kasunod man sang pagpatigayon sang mass testing.

“I think last month we started swabbing sa public market kay amo na ang mga congested area. Kadamo gid nag positive. Amo na ni ang worst fear namon nga may ara na gid kita galing kay bangud in the absence of swabbing, mass swabbing wala ta kabalo nga positive sila. Amo na ni nag gwa. Gin pa swabban man natun ang city health. gin pa swabban man natun ang city hospital. Nag gwa gid na damo positive,” suno sa mayor.

As of Nov. 5, may 16 nga napatay sa San Carlos nga positibo sa COVID-19, 105 ang active cases kag 166 naman ang naka recover.

Exit mobile version
Skip to toolbar