Ginakabig ni Bacolod City Mayor Greg Gasataya nga good gesture ang pag pangayuay sang pasaylo ni Councilor Homer Bais kag Bacolod City Lone District Representative Alfredo Abelardo Benitez sa isa kag isa.
Suno sa iya, maayo para sa Bacolod nga nag pasaylohanay na si Benitez kag Bais agud maka focus na lang ang tanan sa pag obra para sa ikaayo sang siudad.
Paga tutukan nalang sang alkalde ang pagtapos sang mga proyekto sang siudad nga nasuguran na agud makabenepesyo na ini sa publiko.
Handa man ang siudad nga maghatag sang impormasyon kag updates tuhoy sa amo nga mga projects kag nahatag naman sang alkalde sang updates sang iya nga ginpatigayon nga State of the City Address suno sa iya.
Sini nga adlaw, gin inspect ni Gasataya ang motorpool sa Reclamation Area kag ang Warehouse sang General Services Office. Natapos na ang construction sang ini nga mga proyekto suno sa alkalde.
Halos patapos naman ang City Health Complex kag ginmanduan na sang alkalde ang CHO nga amat amat na nga gamiton ang pasilidad.
Wala man naghatag sang reaksyon si Gasataya sa kun ano ang posible nga epekto sa ila nga partido sang natabo kay Bais kag Benitez.
[sibwp_form id=1]