Nag-file na sang motion for reconsideration si Punong Barangay Noli Villarosa sang Barangay Tangub angut sa ginpapanaug nga dismissal order sang Office of the Ombudsman for the Visayas may kaangtanan sa kaso nga simple misconduct batuk sa iya.
Ang retired teacher nga si Jun Medalla amo ang nagpasaka sang reklamu kay Villarosa kag kay Kagawad Raymundo Pendon matapos ila ginguba ang portion sang pader sa private property sang tagreklamu makaligad man ang ginpatuman nga clearing operation sang Agosto 2019.
Makaduha na ka beses nga napasakaan kag napamatbatan nga guilty sa kaso si Villarosa amo nga kabahin sa desisyon sang Ombudsman batuk sa iya amo ang perpetual disqualification from holding public office kag iban pa.
Gani naghinyo sang bulig ang punong barangay sa alkalde nga nagpasalig naman sang legal assistance para sa iya.
Tubtob karon ginahulat pa sang Department of the Interior and Local Government Bacolod ang kopya sang desisyon kag mandu nga manggikan sa central office sa Manila antes pa man mapatuman ang dismissal oder batuk sa punong barangay.
Nalakip man sa amo nga desisyon ang 3 months suspension batuk sa barangay kagawad sang Tangub nga namuno sa clearing operation sang barangay.