Mayor Albee Benitez magasugilanon sa pamunuan sang Ayala agud nga magamit bilang pay parking area ang lote malapit sa Hall of Justice sa dalan Gatuslao Nagapabilin nga pending ang naduso nga resolusyon sa konseho angut sa ginahinyo sang grupo sang mga abugado nga maka-park sa kilid sang dalan Gastuslao.
Suno kay Mayor Albee Benitez indi man mahimo nga matagaan sang exemption ang mga nagapark sa karsada karon nga ginapatuman ang citywide clamping kag towing ordinance.
Gani plano niya nga mag-istorya sa pamunuan sang Ayala nga magamit ang bakante nga lote para sa pay parking area.
Ang propiedad ang yara lang sa kilid sang Ayala mall capitol central kag malapit man sa Hall of Justice.
Damlag pa, naghinyo ang grupo sang mga abugado nga matugutan sila nga magpark bangud masami nagatuga sang huol ang kakulang sang parking spaces.
Sa record sang Bacolod Traffic Authority Office nagalab-ot sa kapin 110,000 ang nagabyahe nga salakyan sa siudad kada adlaw.
Pero may masobra lang sa 7,000 ang available parking spaces sa siudad.