Pagkatapos sang Barangay kag SK Elections plano nga balikan ni Mayor Albee Benitez ang mga barangay nga wala pa naka liquidate sang financial assistance nga nahatag sang siudad ilabi na ang pondo nga gintugyan sa ila para sa MassKara Festival.
Suno sa alkalde, indi na dapat nga i-remind pa ang mga barangay sa ila obligasyon pati na diri ang 20 ka mga barangay nga nagbaton sang pondo para sa arena kag streetdancing competition kag sa Electric Masskara Festival.
Ginapaabot man sang siudad nga sa sulod sang 30 days maka submit man sang financial report ang Bacolod Yuhum Foundation Incorporated.
Gindugang sang alkalde nga padayunon nila ang pagsaway kag bisan ang pag suspend sang mga barangay officials nga nagasupak sang mga pagsulundan sang Department of the Interior and Local Government.