Kilala ang technolohiya kag pamaagi sang pungsod Israel bahin sa water management.
Isa ini sa mga naistoryahan nanday Mayor Albee Benitez kag Israeli Ambassador Ilan Fluss sa iya pagbisita sa Bacolod City nga karon luyag sang alkalde nga malakip sa ginatukod nga water security plan.
Ginsiling sang alkalde nga kabahin sa mga plano ang himuon nga buffer supply ang water supply gikan sa mga deep well.
Pabor siya nga manggikan sa surface water ang supply nga pagagamiton sang Baciwa-Primewater.
Nagligad lang nga inadlaw sang amat-amat nga napalab-ot sang water distributor ang dugang nga 5 million liters a day nga supply gikan sa Alangilan Bocal-bocal Spring.
Gina-pa usisa na sang alkalde kun nasabat na gid man ang kakulang sang water supply sa pila ka mga lugar nga apektado.
Ginabulubanta nagalab-ot sa 20MLD ang water supply deficit sang Baciwa -Primewater epekto sang mainit nga panahon.