Daw kada tuig na lang may yara sang suspension order batuk kay suspended Barangay Tangub Punong Barangay Noli Villarosa.
Gani bisan si Mayor Albee Benitez ang nagalibog man ang ulo kun ngaa madamo sang gina-atubang nga mga reklamo ang punong barangay.
Sang gin-issue sang Office of the Ombudsman for the Visayas ang sadto ika duha nga suspension order, naghatag pa sang bulig si Mayor Albee resulta nga na-reverse ang decision kag wala napatuman ang pagsuspend kay Villarosa.
Pero karon nagapati ang alkalde nga indi na kinahanglan pa sang bulig ni Villarosa.
Nagligad lang nga Martes sang ginserbe sang katapo sang Department of the interior and local government ang 6-months and 1 day nga suspension batuk kag Villarosa kag sa anay barangay secretary nga si Ma. Teresa Domadiego.
Ini may kaangtanan sa kaso nga conduct unbecoming of a public official kag grave misconduct nga ginpasaka sa ila ni Kagawad Katrina Sonota.
Gin-alegar nga ginapa-delay sang barangay ang payroll agud nga manghulam sang kwarta ang mga barangay workers sa live-in partner ni Villarosa.
Ini ang ginpanginwala na sang punong barangay paagi sa iya abogado nga si Atty. Dindo Ramos. Siya ang natalana maga-apelar paagi sa motion for reconsideration nga i-file sa Office of the Ombudsman.