Nagalab-ot sa 9.2 percent ang growth rate sang Bacolod nga mas mataas kun ikumpara sa gross domestic product ukon GDP sang pungsod nga yara sa 6 percent. Suno kay Mayor Albee Benitez, ini ang base man sa gin-report ni Dr. Bernardo Villegas, economics professor emeritus sang University of Asia and the Pacific sa ginhiwat nga forum sang katapo sang Metro Bacolod Chamber of Commerce and Industry kahapon.
Ginpahayag ni Benitez nga tuga sang ginapatigayon nga township projects kinahanglan nga mapadayon ang paghatag opportunidad sa trabaho kag livelihood.
Wala labot sa real estate, gindugang sang alkalde nga na-sustain sang Bacolod LGU ang pagpalambo sang negosyo pinaagi sa digitalization programs patimaan diri ang 28 percent ukon P121M nga saka sa collection gikan sa business applications karon nga nagapadayon ang Business One – Stop Shop.