Antes pa mag-file sang certificate of candidacy ang katapo sang Asenso Bacolod, iga-anunsyo ni Mayor Albee Benitez ang iya mangin desisyon kag line-up sang political group sa 2025 elections.
Ginpahayag ni Barangay Singcang-Airport Punong Barangay Caesar Distrito nga halos kumpleto na ang line-up magluwas na lang sa nabilin nga slot sa pagka-konsehal.
Damlag pa, gin-nullify sang alkalde ang resulta sang botohay para kuntani sa duha ka mga dugang nga kandidato sa pagka-konsehal sa idalom sang Team Asenso.
Luyag sang alkalde nga mapili ang dugang kandidato nga may winnability kag competence.
Ang grupo ang natalana magtambong sa misa sa San Sebastian Cathedral las otso sang aga.
Magatipon sila sa Bacolod Public Plaza upod sa mga supporters antes mag-file sang COC sa Comelec-Bacolod.