Dugang nga 20 sentimos nga saka sa bili sang kuryente ang gina paabot sa July nga billing.
Ginsiling ni Neil Parcon ang vice president for Corporate Energy Sourcing and Regulatory Affairs sang PrimeElectric Holdings Inc., kuntani P1.70/kWh ang ipatuman nga saka.
Pero, kay sang June lamang nga billing nagpatuman na sang P2.46/kWh nga saka luyag nila nga pahat-pahaton sa masunod nga anum ka bulan ang pagpatuman sang bag-o na naman nga saka, rason nga mangin 20 sentimos lang anay ang power rate increase.
Gani gikan sa P13.84/kWh nga residential rate mangin P14.04 na.
Paathaag niya, ang saka sang bili sang kuryente sa Wholesale Electricity Spot Market ukon WESM gikan sa P10, karon P18 na.
Sila ang magahinyo sang approval sang Energy Regulatory Commission kag sang Independent Market Operator sang WESM ukon Imop sang ila nga pag defer sang P8 nga saka para mahatagan man ligwa ang mga konsumedor sa tunga sang pagsaka sang power rates subong.
Ang nasuma nga P1.70 nga saka ang blended generation cost na kag naga tumod sa epekto sang costs sa bulan lamang sang Hulyo.
Dugang pa ni Parcon pagkatapos sang July gina paabot nila ang pag nubo naman sang bili sang kuryente bangud tigayon na nakabalik operate ang Panay Energy Development Corporation Unit 3, isa sa tatlo ka mga power generators nga sadto na bog down.
Ginapaabot man nila ang pag nubo sang presyo sa WESM, bisan pa nga indi pa sa lebel sang presyohanay sini sadto.
Isa ka power forum ang ginpatigayon Lunes sang aga sa tunga sang gina eksperiensya nga Yellow and Red Alert conditions karon sa Visayas.
[sibwp_form id=1]