Sa mga naga plano mag out of town ukon mag road trip sini nga semana, may pagsaka sa bili sang produkto petrolyo sa bwas.
May dugang nga palas-anon ang mga motorista sini nga semana santa.
Base sa announcement sang petroleum companies subong nga adlaw, P2.20 ang igasaka sa bili sang kada litro sang gasolina bwas aga.
Sa diesel naman, P1.40 ang igasaka kag P1.30 naman sa kerosene.
Ang ini nga saka sa bili sang produkto petrolyo ang kasunod gid lamang sang mixed adjustment sa petroleum prices sang nagligad nga semana.
Ini ang ika duha nga sunod-sunod nga semana sa pagsaka sa bili sang gasolina.