Yara sa gihapon sa state of energy emergency ang Pilipinas gani ang Department of Energy ang naga dikta sa mangin presyo sang produkto petrolyo base sa ila man nga computation pero para sa Martes pwede magnubo kag pwede magsaka ang bili sang produkto petrolyo.
Sa computation sang DOE posible mag rollback sang P1.16 ang diesel kag pwede man magsaka sang tubtob 84 sentimos.
Ang gasolina naman pwede mag-rollback sang napulo ka sentimos pwede man magsaka sang piso kag nubenta sentimos kag ang kerosene pwede magpanaog sang napulo ka sentimos pero pwede magsaka sang piso kag nubenta sentimos.
Ini bisan pa nga sa world market nag-roll back sang masobra sa piso ang mga produkto petrolyo.
Suno sa kay DOE Secretary Sharon Garin, ini ang average computation nila para sa tanan.
Ang shell Lune sang hapon nag anunsyo nga magasaka sang masobra sa piso ang gasoline kag kerosene kag masobra otsenta sentimos nga saka man sa diesel.
Samtang may rollback naman sa presyo sang LPG. Sumugod subong nga Lunes, P12 kada kilo ang ibuhin sa presyo sang Petron Gasul, Fiesta Gas, Regasco kag Solane. Yara sa P132 ang inubo sa kada tangke sang 11kg nga LPG tank.
[sibwp_form id=1]