Kasunod sang mabunok nga ulan kahapon nga gin pabaskog sang Habagat, may pagbaha naman sa idalom nga bahin sang Sitio Tamburong sa Barangay BiaknaBato sa La Castellana.
Suno kay Disaster Risk Reduction Management Office Head, John BF de Asis nag gikan sa ibabaw nga bahin sang Ibid Creek ang tubig.
Natungod nga nag tapan naman ang bahin sang amo nga sapa nag pangita alagyan ang tubig rason nga gin baha ang norte nga bahin sang taytay.
Sang nagligad ang sa south nga bahin ang ginbaha.
May 17 ka pamilya ang gin-evacuate kag katunga sa ila ang ginpatenir sa covered court sang barangay kag ang katunga sa ila nga mga himata.
Tigayon na sila naka pauli. Nagpadala na naman sang dugang nga equipment ang probinsya agudto mabuligan padasig ang clearing operation sa area.
Kada mag ulan gina anod ang volcanic materials nga yara pa sa ibabaw.
Suno kay Allan Tomaquin ang acting punong barangay sang BiaknaBato ang Office of the Civil Defense na ang maga gasto sa fuel sang gindugang nga mga heavy equipment.
“Actually sa may babaw naman siya, nangita lang sang sang nubo nga area, wherein diri naman siya sa may side sang north sang bridge, wherein ang last to sang August 31, south going sa barangay proper, gapangita lang siya kun diin sa mauyunan niya. Nagpadala naman ang province sang additional nga support wherein weekend abi sige-sige baha. Ang gin-obra nila last week nga mga kalog-kalog or mga river ways nagtapan”, suno kay de Asis.