Siudad sang Bacolod sa karon ang may masobra sa 340,000 ka mga botante.
Suno kay Atty Kathrina Trinio-Cana ang Elections Officer sang siudad sang Bacolod kasunod sang ika duha nga Election Registration Board Hearing sini nga Hulyo, yara na sa 340,828 ang registered voters sang Bacolod.
Sa Abril nga ERB hearing 325,874 ang gin-report registered voters sang Bacolod suno sa COMELEC.
Sandig sa datus may 14,954 ka bag-o nga botante ang nagdugang.
Samtang, sumugod subong nga adlaw, Hulyo 29 tubtob Agosto 1 may satellite registration and register anywhere ukon RAP sa SM City Bacolod.
Naga sugod ini las 8:30 sang aga tubtob 4pm.
Sarang maka apply para sa Registration, Transfer, Reactivation, Correction of entry and Register Anywhere Program.
500 ang slot para sa regular applicants.
100 naman ka slot para sa PWDs, Senior Citizens ka Pregnant Women. First Come, First Served Policy ang gina patuman. Sa tion sang Satellite Registration wala sang registration sa COMELEC-Bays Center.