Gin inagurahan sang kahapon ang bag-o nga LTO office sa banwa sang EB Magalona.
Sa pagbukas sang sini nga branch sang LTO ginalauman nga ma decongest ang kadamuon sang naga transaksyon sa LTO Bacolod.
Ang amo nga okasyon ang gin pangunahan nanday Governor Eugenio Jose Bong Lacson, 3rd District Congressman Francisco Kiko Benitez, LTO Regional Office 6 Director Eric Lenard Tabaldo kag Mayor Marvin Malacon sang E.B. Magalona.
Ang pagbukas sang operasyon sa E.B. Magalona District Office ang gin aprobahan paagi sa Republic Act 11749.
Sa mensahe nanday Lacson, Benitez kag Malacon, ang pagbukas sang amo nga talatapan ang dako nga bulig indi lamang sa mga pumuluyo sang amo nga lugar kundi kalakip na ang mga kaiping nga mga banwa kag syudad.
Suno kay LTO-Regional Director Eric Lenard Tabaldo, gina lauman nga maka umpisa na sa nahauna nga semana sang Agosto ang operasyon sang amo nga talatapan nga natalana pamunuan ni Reuben Tampos bilang District Office head.