May naporma nga low pressure area sa sulod sang Philippine Area of Responsibility las dos kaina sang kaagahon.
May medium ini nga tsansa nga mag-develop sa isa ka bagyo sa sulod sang 24 oras. Kun mangin bagyo sa sulod sang PAR tawgon ini nga Pilandok.
Ining LPA sa north Philippine Sea ang ginapaabot nga indi mag landfall sa Pilipinas pero butungon naman sini ang Habagat sumugod bwas, Biyernes tubtob sa Martes sa madason nga semana kag bangud sini mas mangin mabaskog ang Habagat gani palaabuton ang maulanon nga panahon sa western nga porsyon sang Visayas.
Nagapaandam ang PAGASA sa posible mabunok kag malawig nga pag-ulan.
Sa subong, ang Habagat ang padayon nga naga dala sang ulan sa western section sang Luzon kag Visayas gani mataas ang tsansa sang pag ulan sa sini nga mga lugar.
Sarang pa nga mag bag-o ang lakat sang panahon gani padayon lang nga mag monitor sa weather update sang PAGASA.
[sibwp_form id=1]