Tigayon nga nadakpan sang kapulisan sanday Rachell Sampayan, 23 anyos kag Echero Baldelovar, 24 anyos sang Purok Tilapya, Brgy. 3, Bacolod sa ginpatigayon nga drug buy-bust operation sang City Drug Enforcement Unit kag Police Station 3.
Alas 11:45 sang gab-i sang ginpatigayon ang buy-bust operation sa purok Langis Brgy. Banago.
Nakuha sa duha ang kapin 315 grams sang suspected shabu nga may standard drug price nga 2,142, 000 pesos.
Pasakaan sang kaso nga paghupot kag pagbaligya sang iligal nga droga ang duha.