Ginsiling ni Richelle Verdeprado-Mangga, pamuno sang Bacolod City Department of Social Services and Development, may kapin sa 500 na ka mga drayber sa siudad ang nagsumite sang ila apela matapos nga wala madala sa listahan sang magabaton sang ayuda.
Matapos ang deadline sang application, may mga appeal pa nga nabaton ang talatapan sang DSSD.
Nagabaton pa sang application ang siudad para sa ayuda sang mga wala pa madala nga drayber tubtob las 7 sini nga gab-I, Abril 10.
Panawagan sang DSSD agud ma lakip sa mga apela nga ipasaka sini sa gobyerno nasyonal, ihatag ang ila impormasyon sa presidente sang ila asosasyon kag ini man ang gilayon nga ipasa antes ang deadline.
Suno kay Mangga, posible nga magdamo pagid ang numero sang mga drayber nga maga apela para sa ayuda sini nga adlaw.
Nangin matawhay ang pagtagtaganay sang ayuda sa 9,617 ka mga qualified tricycle drivers sa siudad sa sulod sang tatlo ka adlaw. Ang payout ang natapos na sini gid lamang nga adlaw.
Masobra sa 40 million pesos ang ginpain sang DSWD para sa mga benepisyaryo sa Bacolod City.
“So far, especially kahapon tawhay-tawhay gid. Subong gina expect naton ang mga wala naka claim, pero indi man sila mag sobra 60, ang maka claim man sila sa ila respective venues. Gina amat amat na sila panawgan para ang mga indi kakadto due to medical reasons, madul-ong sa ila ang ila assistance”, suno kay Verdeprado-Mangga.*
[sibwp_form id=1]