Ang mahal na katama nga bili sang produkto petrolyo ang madugangan pa gid next week base sa apat ka adlaw nga trading sa world market. Diesel posible maglab-ot na sa 125 pesos ang kada litro.
Kun libuton ang mga gas stations sa Bacolod naga halos 100 tubtob 110 pesos ang average nga litro sang diesel kag yara sa P83-87 ang litro sang gasolina.
Base sa apat ka adlaw nga trading sa world market yara sa average nga P10 ang idugang pa gid sa bili sang kada litro sang diesel kag dugang nga 7 pesos sa gasolina kag dugang nga 13 pesos kada litro sa kersone.
Pero may gina tawag pa nga risk premium nga yara sa P4-5 ka pesos nga idugang diri.
Buot silingon, kun P110 ang per litro sang diesel subong, sa madason nga semana masaka ini sa P125 kada litro.
Sa gasolina naman kun yara sa P83 pesos ang litro sa subong mangin halos isa ka gatos ka pesos na ang litro sa Martes.
Holiday subong nga adlaw kag long weekend pero ang dalanon sa Bacolod mahawan kag halos wala sang mga salakyan.
Ang mga gas stations gina langawan kag ang iban sirado. May isa na lang gid ka trading day nga gina hulat para ma-finalize na gid ang isaka sa bili sang produkto petrolyo sa Martes.
Ini ang ikatlo na nga semana sang mega oil price hike dala sang gamo sa Middle East.
[sibwp_form id=1]