As of 3pm ang low pressure area ang yara na sa 735 km east sang General Santos City kag naupod ini sa inter tropical convergence zone ukon ITCZ.
Sa subong may gamay ini nga tsansa nga mangin isa ka bagyo sa masunod nga 24 oras.
Ang Visayas kag Luzon maka eksperyensya sa gihapon sang mainit nga panahon kun aga tubtob mag udto pero pagka hapon kag gab-i posible ang pagbubo sang ulan ini dala sang localized thunderstorms tuga sang easterlies ukon ang mainit nga hangin gikan sa Pacific Ocean.
Ang ITCZ ang naga apekto sa gihapon sa Mindanao.
Wala ginadula ang posibilidad nga ang LPA ang mangin isa ka bagyo sa masunod nga mga inadlaw.
Sa Martes kag Miyerkules ginapaabot nga mangin maulanon sa Mindanao kag sa Huwebes kag Biyernes mas malapad pa gid nga area ang mahimo ma apektohan sang maulanon nga panahon.