May masobra pa sa 5,000 ka mga senior citizen nga naga edad 65 pataas ang gindugang sa listahan sang Bacolod City agud makabaton sang 10 ka kilo nga bugas sa idalum sang Bawat Bayan Makikinabang Program sang Presidente.
Ginsiling ni Bacolod City Mayor Greg Gasataya nga sa ila pag libot sa tagsa ka barangay agud maghatag sang bugas, madamo sang mga senior citizen ang nagareklamo bangud wala ang ila ngalan.
Sang gin-usisa sang siudad, wala man sang social pension ang ini nga mga senior citizen rason nga kwalipakido sila sa programa.
Matapos ang validation sang masobra sa 5,000 ka mga dugang nga beneficiary, ihatag na sa ila ang una nga batch sang 10 ka kilo nga bugas.
Pagklaro ni Gasataya, wala pa mahibaluan ang rason kun ngaa wala madala sa data base sang siudad ang mga pangalan sang mga senior citizens.
Sa karun may masobra na sa 40,000 ka mga benepisyaryo ang yara sa listahan sang siudad.
Sa masunod nga semana, magapadayon ang siudad sa ika duha nga tranche sang rice distribution.
Apat ka tranche sang tig-10 kakilo nga bugas ang ipanghatag sa mga benepisyaryo sini nga tuig.
[sibwp_form id=1]