Sa March 2 to 8 nga report sang Provincial Health Office, 105 ang bag-o na record nga dengue cases sa Negros Occidental.
Humalin Enero tubtob Marso 8, may 1,256 ka dengue cases ang na record.
Kun ipaanggid sa kasubong nga tion sang 2024, 412.65 percent ini nga nagsaka.
Nagapabilin naman nga anum ang dengue related deaths sa probinsya.
Ang siudad sang Bago ang sa gihapon may pinaka madamo nga dengue cases nga na-record 254.
Sa report sang PHO ang 11 to 20 years old nga age group ang may pinaka madamo nga apektado sang dengue.
Ang Bacolod City naman may yara sang 199 ka dengue cases as of March 1.
Isa naman ang dengue probable death.
Suno kay Dr Nikka Hao ang DOH-NIR director, ang ila nga talatapan upod ang Provincial Health Office kag City Health Office sang Bacolod ang padayon nga naga patuman sang search and destroy strategy santo sa Alas Kwatro kontra Mosquito Campaign.
Madamo na sang information sessions man sa mga eskwelahan kag mga komunidad ang napatigayon.
Na implement naman suno sa iya ang Dengue Fast Lanes sa mga ospital suno sa iya.