May lima ka nag dugang nga bag-o nga kaso sang cholera sa probinsya. Sa karon nagdangat na sa 17 ang cholera cases sa Negros Occidental.
Sa report sang Provincial Health Office as of October 22, 17 ang kumpirmado nga cholera cases, kun sa diin duha ang napatay.
Ang siudad sang Silay, EB Magalona kag Talisay ang may tig lima na karon nga recorded cases sang cholera, isa naman ang sa Victorias kag isa sa Calatrava.
Suno kay Dr Ernell Tumimbang ang Provincial Health Officer, nag padala naman sang water sample kasunod sang bag-o nga mga kaso.
Importante suno kay Tumimbang nga mapat-od kun ano ang gintunaan ukon ang source sang cholera.
Yara na sa tagsa ka LGU kag mga health offices sini ang pag monitor kag pag check sang water sources. Wala labot nga dapat padayunon ang information dissemination para mapamatukan ang pag lapta sang cholera, suno kay Tumimbang dapat ikampanya man ang zero open defecation para ma proteksyonan ang mga water sources
“LGU gid ni siya nga concern. Kinahanglan pangitaon gid to ya ang water source. Kun ang water potability dira for that matter, sa area nga may ara nga clustering of cases, para ma stop ta ang transmission. Kay indi man na from person to person. That is water borne or food borne nga infection. Ang point is wala man capacity ang tawo nga mag identify sina. Ika duha ang tawo mangita gid na ya sang tubig nga ilimnan mo”, suno kay Timimbang.