Bwas na makit-an ang logo design para sa MassKara Festival celebration nga magabukas sa Oktubre 12.
Dungan sa sponsors kag press presentation ang pagpatpat sang mga events nga ginhanda sang Bacolod Yuhum Foundation.
Nalakip diri ang MassKaralympics, MassKanamit Food Exploration Festival, Miss Bacolod MassKara, Electric MassKara kag ang balantayan nga Streetdancing kag Arena dance competition.
Mahibaluan man kun sin-o nga Pinoy Pop Group ang magabuylog sa selebrasyon upod sa iban pa nga mga entertainers nga magadugang sa sinadya sa tuigan nga okasyon.