Ginsiling ni Atty. Marty Go, Secretary to the Mayor, nga ginpili sang siudad ang dancers sang Barangay Tangub nga ipadala sa isa sa mga dalagko nga kahiwatan sang Chinese community, bangud sila ang nangin kampyon sang tinalikdan nga MassKara Arena and Street Dance Competition.
Gin-ako sang Hong Kong Tourism Board ang travel kag accommodation expenses sang tanan nga contingent. Naghatag naman ang siudad sang bulig pinansyal sa mga dancers.
Kaupod sang mga dancers ang tourism office sang Bacolod kag sanday Councilors Em Ang, Homer Bais, kag Jason Villarosa.
Ang mga opisyal ang natalana nga magbalik sa siudad sa Miyerkules, apang ang mga dancers maga-tinir sa Hong Kong tubtob Pebrero 20.
Dugang ni Go, ginatinguhaan man ni Mayor Greg Gastaya nga maka-apas sa Hong Kong agud mag tambong sa amo nga kahiwatan.*
[sibwp_form id=1]