Detained karon ang gina alegar anay miyembro sang Virtucio Drug Group matapos ini madakpan sa buybust operation sang Miyerkules sa Brgy 3 sa San Carlos City.
Ang naaresto amo si Jordan Calunsag. Dakop man ang iya sini runner nga si Cesar Pasilan. 340,000 pesos nga balor sang ginapatihan shabu ang na recover sang kapulisan.
Suno sa PNP, sadto na nga na preso si Calunsag bangud man sang iligal nga droga.
Sadto sya nga miyembro sang drug group apang siya ang naga patigayon sang iya na mismo nga operasyon sa karon matapos madakpan ang lider sang grupo.
Samtang, arestado man kagab-i ang 53 anyos nga si Ma. Glosita Guilaran sa buybust operation sa Barangay Tangub sa Bacolod. 9 ka sachet sang suspected shabu nga ginabulubanta nagabalor sa 184,000 pesos ang nakuha sa iya. Kaso nga paglapas sa RA 9165 ang ipasaka batuk sa mga naaresto.