Arestado ang isa ka ginapatihan distributor sang suspected shabu sa ginpatigayon nga buy-bust sa Purok 1, Barangay Balugo sa banwa sang Valencia, Negros Oriental sang Lunes.
Masobra 108 grams sang ginasuspetsuhan shabu nga nagabalor kapin P750,000 ang nakuha kay alyas “Dondon”, 42-anyos, taga Brgy. Cadawinonan sa Dumaguete City.
Suno sa Police Regional Office-Negros Island Region, si alyas “Dondon” nga ginakabig High Value Individual, ang naga-distribute sang iligal nga droga sa mga lugar sa Negros Oriental, lakip na ang Dumaguete City, Bacong, Sibulan kag Valencia.
Base sa imbestigasyon sang PNP, nahibaluan nga nagabaton sang iligal nga droga si alyas “Dondon” halin sa iya source paagi sa dead-drop arrangement ukon sekreto nga pamaagi agod mapasa ang items, nga wala nagakit-anay sang face-to-face.
[sibwp_form id=1]