Nagdangat sa siyam ka bulto sang suspected shabu nga may kabug-aton nga 800 grams kag naga balor sang 5.4 milyones pesos ang nakuha sa isa ka high value individual sa drug buy-bust operation sang Police Station 2 sa Purok Narra Baybay, Brgy. 8 siudad sang Bacolod, Sabado sang gab-i.
Ang nadakpan ginkilala sa kay Rico Abay, 55-anyos.
Suno sa kay Police Major Eugene Tolentino ang commander sang Police Station 2, madugay na nila nga gina monitor si Abay matapos nga nakabaton sila sang reklamo sa mga pumuluyo sa lugar nga ini ang may ginahimo nga transaksyon angut sa iligal nga droga.
Pasakaan si Abay sang kaso nga paghupot kag pagbaligya sang iligal nga droga.