Pulo ka mga persona ang gindakop sang otoridad matapos nila ma-intercept ang illegal nga shipment sang gin-alegar smuggled cigarettes sa Sitio Labugon, Barangay Nagbo-alao sa Basay, Negros Oriental sang Sabado, Mayo 16.
Sa mga gindakop, ang truck driver lang ang taga Negros Oriental samtang ang siyam ka iban pa, lakip na ang isa ka senior citizen, ang mga residente sang Sulu, Zamboanga City kag Tawi-Tawi.
Nakabaton sang intelligence report ang kapulisan angot sa ginadiskarga nga sigarilyo gikan sa 10-wheeler closed van, nga ginasuspetsuhan naga-transport sang iligal nga tobacco products.
Nadiskubrehan sang mga operatiba nga wala sang tax seals kag graphic health warning labels ang nasambit nga mga sigarilyo.
Narekober sa operation ang ginabulobanta 700 ka master cases sang sigarilyo nga nagabalor masobra P40 Million, isa ka 10-wheeler closed van, isa ka motorized bangka, duha ka cellphones, isa ka Ford Explorer kag isa ka Mitsubishi L300 nga salakyan.*
[sibwp_form id=1]