Arestado ang duha ka mga lalaki matapos nakuhaan sang may kapin sa 300 grams sang suspected shabu sa drug buy-bust operation sang BCPO CDEU sa Deca Homes Subd, Brgy Cabug, sa Bacolod, Lunes sang hapon.
Ang mga naaresto ginkilala nga sanday, alias “Tengteng”, 23 anyos kag alias “Stephen”, 21 anyos, parehos sila nga residente sang Purok Saturn, Brgy. Handumanan sa Bacolod.
Suno kay PLt. Richard Legada, deputy chief sang BCPO CDEU, duha ka semana gin surveilance ang iligal nga aktibidad nga nagakatabu sa gina arkilahan nga balay nanday “Tengteng” kag “Stephen” matapos nga gin-report sang isa ka concerned citizen sa PNP National Headquarters.
Narekober kay “Tengteng” kag “Stephen” ang anum ka bulto kag lima pa ka knot tied transparent plastic bag sang ginasuspetsuhan shabu nga may standard drug price nga Php 2,040,000,00.
Sanday “Tengteng” kag “Stephen” ang nahunong karon sa custodial facility sang Police Station 9 kag nagapangatubang sang kaso nga paglapas sa R.A. 9165 ukon Comprehensive Dangerous Drugs Act of 2002.*