Nagdangat sa P2,072,346 ang balor sang apprehended poultry products sang Negros Occidental humalin Enero tubtob Pebrero 10.
Sa report sang Office of the Provincial Veterinarian kay Negros Occidental Governor Eugenio Jose Lacson, sa February 4 to 10 lamang nga semana, 1,773,590 ang balor sang poultry kag poultry products ang na-intercept. 240,238 kag heads ukon ka pack sang fowl kag other related products ang nagdakpan sa Bredco kag Banago Ports sa Bacolod kag animal quarantine checkpoint sa Kabankalan City kag Hinoba-an.
Ang iban diri ang gin confiscate ang iban gin ship back suno sa Provincial Veterinary Office.
Samtang, sa January to February 11 nga report sang African Swin Fever Task Force, 635 ka kilo sang assorted food products ang nadakop sa seaports kag mga checkpoints.
461,825 pesos ang balor sini.
Sa pihak nga bahin, sa February 4 to 10 nga report sang Provincial Veterinary Office, 989 ka mga baboy ang tigayon na ship-out sa probinsya sa nag kalain-lain nga lugar sa Luzon.