Masobra sa P20 kada litro ang isaka sa presyo sang diesel sa Martes, P14-16 naman sa gasolina

Kun masobra sa 80 pesos sa subong ang presyo sang kada litro sang diesel, sa Martes, Marso 17, makalab-ot na ini sa masobra isa ka gatos ka pesos kada litro.

Kay Martes sa aga, P20.40 tubtob P23.90 ang saka sa kada litro sang diesel suno sa Deparment of Energy.

Mas mataas pa gid kun ikumpara sa ginsaka sang nagligad nga semana.

Ang gasolina naman P12.90 tubtob P16.60 ang saka sa kada litro kag P6.90 tubtob P8.90 sa kerosene.

Pero suno sa kay DOE Secretary Sharon Garin, may mga gas stations nga utay-utayon ukon amat-amaton lang sa gihapon ang pagpatuman sang saka sa presyo.

May mapatuman sang amat-amat nga saka sa sulod sang duha ukon tatlo ka adlaw.

Ini ang resulta sa gihapon sang gamo sa middle east. Nagapasalig ang DOE nga may nagakaigo pa nga supply sang gatung ang Pilipinas ugaling mahal lang ang baligyaanay.*

[sibwp_form id=1]