Kaina sang kaagahon, Biyernes, Agosto 15, duha ka mga persona ang gindakup kag nakuhaan sang 110 gramos sang ginasuspetsuhan shabu sa buy-bust operation nga ginpatigayon sa Purok Cereza South, Barangay 3 sa syudad sang Bacolod.
Base sa report sang Bacolod City Police Office, ginabulubanta P748,000 ang nakuha nga suspected shabu sang mga katapo sang City Drug Enforcement Unit gikan sa duha ka mga drug personalities.
Samtang, 19 ka pakete sang ginasuspetsuhan shabu nga ginabulubanta nagabalor sang lapit sa tunga sa milyon ka pesos ang nakuha sang katapo sang Philippine Drug Enforcement Agency halin sa isa ka babaye.
Ginpatigayon ang buy-bust sa Purok Fire, Barangay 8 sa syudad sang Bacolod.
Magapangatubang ang tatlo ka mga gindakup sang kaso nga paglapas sang Republic Act 9165 ukon Comprehensive Dangerous Drugs Act of 2002.