Nakakuha ang kapulisan sa syudad sang Bacolod sang 1.8 ka kilo sang ginasuspetsuhan shabu nga naga balor sang P12.5 million sa lima ka drug buy-bust operations sang weekend.
Siyam ka mga persona ang gindakup.. tatlo sa ila ginakabig nga high-value individuals, samtang anum naman ang street-level individuals.
Ginpatigayon ang mga drug buy-bust operations sang katapo sang City Drug Enforcement Unit, kag Police Stations 2, 5, 6 kag 10.
Ang bulto nga P10.4 Milyones ang nakumpiskar sang CDEU sa isa ka subdivision sa Barangay Mansilingan.
Magapangatubang ang mga gindakup sang kaso nga paglapas sang Republic Act 9165 ukon Comprehensive Dangerous Drugs Act of 2002.