Sa ginhatag nga tip sang isa ka informant sa PNP, tigayon nga nabalabagan nga mabaligya kag makalab-ot sa kamot sang mga drug users ang masobra sa P10M nga balor sang suspected shabu sa Dumaguete City.
Na aresto ang isa nga ginkilala kay alias Franklin, 41 anyos sa Purok Kalubihan, Barangay Bajumpandan sang Hwebes sang gab-i.
Base sa report sang PNP, matapos mabaton ang tip gin-monitor na ang subject sang kapulisan humalin sang kaagahon tubtob mag gab-i.
Isa kag tunga ka kilo sang shabu ang nakuha sa iya nga gina banta nagabalor sang P10.2M.
Gindayaw ni PNP NIR Regional Director PBGEN Arnold Ibay ang PNP kag PDEA sa sini nga accomplishment.
Nagapakita lamang ini kuno nga padayon sa gihapon ang pagpaninghuwa sang PNP para matapna ang iligal nga droga sa pungsod.
[sibwp_form id=1]