Magluwas sa storm surge nga gin-report sa sur nga bahin sang Negros Occidental wala naman sang may iban pa nga gin-report nga daku nga kahalitan ang bagyo Uwan sa Negros Occidental.
Sa Sipalay City sa video nga kuha ni Dionilo Bogtae ang City Disaster Risk Reduction Management Office Coordinator, makita ang pag laslas sang hangin kag balod sa beach front sang Sipalay Domingo sang hapon. May mga gin-evacuate pero tigayon naman sila nga nakabalik sa ila nga puluy-an suno sa iya.
May landslide man nga nag luntad sakop sang Camp Valdez sa Mambaroto pero tigayon naman ini nga na clear kag wala man naka apekto sa dalan.
Sa Cadiz City may isa ka 12 anyos nga bata nga nasamaran matapos nga ginpalid ang ila nga balay sang mag – igo si Bagyo Uwan.
Sa bilog nga Negros Island Region suno sa OCD NIR
61,753 ang gin paidalom sa pre-emptive evacuation.*
[sibwp_form id=1]