May masobra sa 4,000 ka pamilya ukon 13,800 ka indibidual ang ginpaidalom sa pre-emptive kag forced evacuation sa probinsya.
Sa datus sang Provincial Disaster Risk Reduction Management Office as of 12nn, 4,230 ka pamilya ukon 13,831 ka indibidual ang ginbakwit.
Sang Lunes pa lang sang gab-i may pila na ka mga LGU ang nagpatuman sang pre-emptive evacuation kaangay sang Moises Padilla.
Sa datus sang PDRRMO may pinaka madamo nga evacuees ang Kinto Distrito.
May gin report man nga pagbaha. Sa post sang The CityBridge may pagbaha sa sakop sang Barangay Napoles sa Bago City.
May pagbaha man sa Kabankalan City. Sa video ni Mayor Benjie Miranda makit-an nga nag-awas ang tubig sa suba sa Lugway sa Brgy 8.
Sa Valladolid may pag baha man kag gin patuman ang search and rescue operation.
Sa report sang Office of the Civil Defense NIR, 37 ka LGU ang nagsuspend sang klase bangud sang mabunok nga ulan nga dala ni Bagyo Verbena – 22 gikan sa Negros Occidental, 9 sa Negros Oriental kag 6 sa Siquijor.*