Ginhatagan sang Bacolod City Legal Office sang 10-working day notice ang 47 ka mga baligyaan nga nahamtang sa palibot sang Bacolod City Government Center agud maghalin sa ila pwesto.
Ini bangud wala sila sang may ginakaptan nga permit gikan sa siudad kag nagalapas ini sa deed of donation nga ginpirmahan sang siudad kag sang donor sang duta nga ginatindugan sang government center.
Ginsiling ni Atty. Mark Mayo, ang City Administrator, wala man nagapamatok ang mga vendors sa amo nga notice, apang nagahingyo ang mga ini nga kon pwede sila mapangitaan sang iban nga pwesto.
Matapos nga naghatag sang formal letter ang mga vendors, ipasaka ini sang siudad sa Sanguniang Panlungsod agud maistoryahan kon posible sila nga mahatagan pa sang special permit ukon mapangitaan sang alternatibo nga lugar.
Dugang ni Mayo, obligado ang siudad nga ipabilin nga hilway ang palibot sa mga baligyaan bangud ini ang nakasulat sa ila ginpirmahan nga deed of donation.
Sandig sa amo nga dokumento, indi pwedi nga may mga business activities sa palibot sang BCGC. *
[sibwp_form id=1]