Masobra 330 ka mga persona arestado sa sulod sang isa ka semana nga operation sang Police Regional Office 6.
Naglab-ot tanan sa 334 tanan ka mga persona ang nagkaladakpan sa isa ka semana nga simultaneous anti criminality kag law enforcement operations sang PNP sa Western Visayas ukon ang Brigada Semana.
Kadam-an sang mga naaresto, mga wanted persons. 43 ka mga most wanted person ang naaresto sa sulod sang isa ka semana sa Negros Occidental kag anum naman sa Bacolod.
Samtang 224 naman ang iban pa nga mga wanted persons nga naaresto kag pinakadamo nadakop amo ang Negros Occidental nga may 118 arrests.
Walo naman ang sa Bacolod. May 67 man ka mga naresto bangud sang iligal nga droga.
Nag lab-ot man sa 2.6 milyon pesos nga balor sang iligal nga droga ang na recover sa Brigada Semana sang PRO-6.