Masobra sa 2,800 ka mga contractuals sa Kapitolyo gin-renew, 4 department heads position bakante

May 2,800 ka mga contractual workers ang gin-renew sang probinsya para sa 2026. Samtang, apat ka department head positions kag isa ka assistant department head position ang bakante sa karon.

Suno kay Provincial Administrator Rayfrando Diaz, 668 ka mga casual, 1,076 ka contract of service kag 1,095 ka job order workers ang tigayon na gin renew ang kontrata sini nga 2026.

Ang renewal sang kontrata, sa kinaandan ang kabahin sa mga ginapatuman sa una nga semana sang bag-ong tuig bilang kabahin sa pag set-up sang organization.

Nalakip sa mga bakante nga position ang Department head para sa Provincial Accounting Office, Provincial Disaster Risk Reduction Management Office, Office of the Provincial Agriculturist, Provincial Human Resource Management Office kag Assistant Department Head sang Negros Occidental Language and Information Center.

Paathag ni Diaz, nag-retire ang Provincial Accountant rason nga nabakante ang position.

Nangin department naman gikan sa isa ka division ang PDRRMO.

Bag-o nga position ang assistant department head sa NOLITC.

Bakante sa gihapon ang Provincial Agriculturist kag na kakas sa serbisyo ang anay HRMO head rason nga nabakante ini.

Bukas sa sin-o man nga kwalipikado ang amo nga mga position.*

[sibwp_form id=1]