Masobra sa 21 milyones pesos nga balor sang iligal nga droga ang na recover kahapon sang kapulisan sa separado nga buybust operation sa siyudad sang Silay.
Una nga buybust operation ang ginpatigayon batuk sa mag utod nga Angie kag Angielyn Dumdumaya sa Barangay Lantad. 13,668,000 pesos nga balor sang suspected shabu ang nakuha sa ila.
Pagkahapon naaresto man sa Barangay Rizal ang 36 anyos nga si Mark Villaran matapos makuhaan naman sang 7,561,000 nga balor sang iligal nga droga.
Lunsay mga high value individual kag drugs listed ang mga naaresto.
Suno kay P Lt Judesses Catalogo, PIO sang Negros Occidental Police Provincial Office, posible isa lang ang source sang items sang mga naaresto bangud sa halos pareho ang packaging kag itsura. Pero iya ginsiling nga mahimo lain ini nga grupo ang duha kag indi konektado.
Posible man suno kay Catalogo nga para na sa MassKara Festival ang mga items nga gin butang lang anay sa siyudad sang Silay kag hana nga i distribute sa selebrasyon.