Sumugod Hwebes sang gab-i, makabaligya na sa mga designated areas sa Bacolod City ang 222 ka mga vendors sang mga bulak kag mga kandila matapos nga tigayon na nga nahatag sang siudad ang ila nga Special Permits kag mga ID.
Lakip saga designated vending areas amo ang sa gwa sang Handumanan kag Burgos Cemeteries. May mga vendors man nga ipahamtang sa mga dalan sang San Juan, Hernaez, Mabini, kag Gonzaga.
Ginsiling ni Councilor Celia Flor, pamuno sang Committee on Markets nga 1 by 2 meters ang pwesto nga gintalana sa tagsa ka mga vendors kag magalawig ang ila pagbaligya tubtob sa Nobyembre 2.
May masobra naman sa 20 ka mga flower vendors gikan sa Murcia ang gintugutan sang siudad nga mag baligya sa gwa sang Libertad Market, matapos nga nag-ayo mismo ang alkalde sang banwa sa siudad nga hatagan sang pwesto ang ila mga vendors.
Nagmando naman ang City Administrator ‘s Office sa mga vendors nga kinahanglan sa Nobyembre 3, wala na sila sa mga designated areas kag dapat limpyo ang lugar antes sila maghalin.
Dugang sang konsehal, indi na magbaton ang siudad sang dugang nga application para sa vending bangud natapos na ang pagpasa sang resolution.
[sibwp_form id=1]