Arestado ang mag live-in partner nga lunsay high value individual matapos makuhaan sang masobra P2,040,000 nga balor sang suspected shabu sa buy-bust operation sa Prk San Roque 1 sa Brgy. Handumanan sang Sabado.
Nadakpan sanday Maria Elirica Celis, 39 anyos kag Carlo Purillo, 36 anyos. Naaresto na sadto ang duha ka suspek suno sa PNP may kaangtanan man sa iligal nga droga.
Dugang pa sang PNP, masami dalagko nga stocks sang shabu ang gina kuha sang mag live-in partner bangud ila man gina retail sa mga nagabaligya sang ginagmay nga shabu. Kaso nga paglapas sa RA 9165 ang ila liwat atubangon.