Presyo sang diesel ang magasaka sa masobra P2 sa Martes.
Matapos ang apat ka semana nga sunod-sunod nga rollback sa presyo sang mga produkto sa petrolyo, may matabo na naman nga oil price hike ukon saka sa bili sang produkto petrolyo sa bwas.
Sa announcement sang mga petroleum companies, magasaka sang P2.90 sa kada litro sang diesel. Mas magamay naman sa gasolina nga 70 sentimos sa kada litro. Magalab-ot sa P1.75 sa kada litro ang magadugang sa presyo sang kerosene.
Ang pagbukas sang ekonomiya sang China kag pagsaka sang demand sa langis ang isa sa mga nakita nga rason sa pagsaka sang presyo sang produkto sa petrolyo sa masunod nga semana.
Sang nagligad nga Martes, naglab-ot sa P3.40 sa kada litro ang nabuhin sa presyo sang diesel, P1.70 sa gasolina kag P4.40 naman sa kerosene.