Nakakumpiskar sang Bacolod City Police Office ang P2,511,899 nga balor sang ginasuspetsuhan shabu sa sulod lamang sang isa ka semana humalin Hunyo 16 tubtob Hunyo 22, 2025.
Base sa records sang BCPO, 11 ka mga persona ang na-aresto sa napatigayon nga 10 ka mga operations.
Masobra 369 gramos sang suspected shabu ang narekober sa mga nagkaladakpan.
Nalakip na diri ang kapin P1.2 M nga balor sang ginasuspetsuhan shabu nga nakuha sa ginpatigayon nga buy-bust operation sa Barangay Handumanan, Bacolod sadtong Sabado.