Naglab-ot sa 1,400,800 pesos nga balor sang susptected shabu ang nakuha sang Bacolod City Drug Enforcement Unit gikan sa mag live-in partner Domingo sang kagahon sa Purok Magnolia, Barangay 7 sa siudad sang Bacolod.
Ang nagkaladakpan amo sanday Rommel Alfar kag Rhodora Madre Niño, mga residente sang amo man nga lugar.
Suno sa kay Police Lieutenant Joeven Mogato, pamuno sang CDEU, 200 grams sang shabu ang nakuha sa mag-live-in partner.
Nakabaton sang impormasyon ang kapulisan sa ila iligal nga hilikuton gani gin surveillance sila kag ginpatigayon ang buy-bust operation.
Narekober man sang CDEU sa buy-bust operation ang isa ka 9mm pistol, isa ka magazine kag 5 ka mga bala.
Pasakaan sila sang kaso nga paghupot kag pagbaligya sang iligal nga droga kag illegal possession of firearms.