Digicast Negros

Masobra 900 ka JO workers, 700 ka COS gin-renew sang Kapitolyo

May masobra sa 900 ka mga job order workers kag masobra 700 naman ka mga yara sa idalom sang contract of service ang gin-renew sang kapitolyo probinsyal para sa 2023.

Suno kay Provincial Administrator Rayfrando Diaz, may mga bente lamang ka JO workers ang wala tigayon na renew bangud sang poor performance.

Bangud sang Personnel Information System nga gina gamit karon sang gobyerno probinsyal, mas nangin mahapos ang pag proseso sang renewal kag nalikawan ang gaps angut sa ila nga pagbaton sang sweldo.

Kun sadto sa kada mag patigayon sang renewal nagadalagan sa tatlo ka bulan ang delay sang sweldo, karon suno kay Diaz nalikawan na ini kag on time na ang mabaton nga sweldo.

Kada anum ka bulan ang renewal, kag 481 pesos ang adlaw sang kada JO. Bulanan naman ang sweldo sang mga COS kag nagadepende sa position nga gina uyatan ang ila nga salary grade.

Exit mobile version
Skip to toolbar